Kva kan eg bruke som sexleketøy?

Hei!

Så fint du skriv til oss når du lurer på noko.

Du kan lage sexleketøy av det du finn i heimen din. Det viktige er at du ikkje bruker ting som har skarpe eller spisse kanter for å unngå å lage rifter i skjeden. I tillegg er det viktig å alltid bruke glidemiddel og kondom for å både unngå rifter og infeksjoner i skjeden.

Det enklaste er å prøve deg fram med handtaket på ei hårbørste, sminkekost eller tannkost. Det kan og kjennast godt ut å bruke ei lita gulrot eller agurk. Les gjerne denne artikkelen på nettsida vår for tips til kva du kan bruke som sexleketøy.

Sjølv om du har lyst på eit sexleketøy kan det vere fint å vite at det å ta noko inn i skjeden for dei fleste, omlag 70%, ikkje fører til orgasmer. For å få orgasmer må du stimulere den delen av klitoris som er synleg på utsida av kroppen. Det er i klitoris det er mest nerveender som kan gi orgasmer.

Les gjerne artiklane våre om onanering, om kjønnsorganet ditt og om orgasmer for fleire tips.

Håper svaret var til hjelp for deg!

Hilsen Sexologisk rådgiver - NACS i samarbeid med ung.no