Sliter med masse ting. Kroppen, føler meg utestengt. Lyger til helsesøster

Hei, jente på 13 år!

Forstår godt at det ikkje er kjekt å ha det slik som du har det no. Du kjenner deg litt utafor sosialt og sliter med sjølvbildet ditt, spesielt knytta til kroppen. 

Det høyres som sagt ut som du strever med sjølvbildet ditt eller kanskje det vi kallar "sjølvfølelsen" - altså følelsen/forholdet du har for/til deg sjølv. Det å forsøke å endre på kroppen sin for å føle seg betre pleier ikkje å fungere så godt. Dette fordi det som gjerne eigentleg er problemet er nettopp sjølvfølelsen/korleis ein har det med seg sjølv heller enn kroppen i seg sjølv. Du beskriver ein kropp med normalvekt når du forteller om dine kg/cm. Det å gå opp og ned i vekt vil ikkje vere bra på sikt. Kroppen likar best å vere stabil i vekt og blir stressa av å ligge i underskudd kalorimessig.

Det høyres ut som du har eit noe anstrengt forhold til mat. Du seier at du ikkje tør å ete "usunn mat". Det som er sunt når det kjem til mat er å ete litt av alt. Altså er det faktisk sånn at dersom du ønsker å ete sunt så er det lurt å ete litt av det meste heller enn å ha inntak av noen begrensa ting som du tenker er "sunne nok". 

Du forteller at du har vore hos helsesøster og dette forteller noe om at du eigentleg ha behov for å snakke med noen. Det er litt uheldig at du lyger og seier du har det bra fordi då får du ikkje hjelpen du trenger. Du kan snakke med helsesøster om kropp og kaloriar og det som du spør om angåande dette. På generelt grunnlag er det lurt å ikkje telle kaloriar men heller fokusere på å få i seg faste måltider kvar dag: helst fem måltider inkludert mellommåltid. På den måten hjelper du deg sjølv  langt på veg til å halde stabil vekt, stabilt humør, stabilt blodsukker og stabilt energinivå. Dette er eit godt utgangspunkt for å ha det litt betre i kvardagen. 

Ønsker deg alt godt og råder deg til å åpne deg litt meir for helsesøster slik at du får gode råd til akkurat deg og din situasjon! Sender deg ein god klem. Hugs at du er god nok som du er <3 

Med vennlig hilsen psykologen