Har både spydd og hatt diare. Hvor lenge kjem eg til å vere sjuk?

He!

Det var leit å høyre at du har fått omgongssjuka. Dette kan vere veldig ubehageleg å ha, med både kvalme, svolt og at ein er veldig sliten.

Omgongssjuka skuldast eit virus, og går ofte over av seg sjølv innan få dagar.

Det er dessverre ingen fasit på når eksakt du vil bli frisk att. For dei fleste tek det nokre dagar- ei veke. Dårleg mage (men ikkje fullt ut diare) kan vare litt lenger enn oppkast og full diarè.

Du er no på dag 4, og har hatt ei forverring.

Det er ikkje så mykje ein kan gjere med dette sjølv, enn å vente på at det går over. Det er viktig å prøve å få i seg drikke/væske og litt mat, om ein klarer. Det er lurt å ta veldig små slurkar, så det kanskje held seg nede. Ein kan prøve med salte kjeks eller noko anna smått og tørt. Unngå helst melkeprodukt.

Vi på ung.no kan ikkje stille diagnoser eller gi konkrete behandlingsråd. Og vi kan heller ikkje erstatte vanleg eller akutt legehjelp.

Så om dette ikke går over i løpet av eit par dagar (blir mykje betre), eller viss du ikkje får i deg nok væske - og særleg om du blir veldig dårleg i forma generelt - bør du kontakte legevakt, evt fastlegen om du får tak i.

Ein kan kontakte legevakta for råd også - det er ikkje alltid ein treng kome på time. Det kan legevakta avgjere når ein tek kontakt, dei vurderer kva du treng.

Les gjerne meir om omgangssjuka her.

God betring til deg!

Alt godt! Vennlig hilsen lege, ung.no