Betyr tankane mine at eg er lesbisk eller bifil?

Hei

Det er heilt greitt å vere nysgjerrig og lure på kven du blir tiltrekt av. Kva slags porno du ser på, avgjer ikkje om du er lesbisk, bifil eller heterofil. Fantasiar og det du ønskjer å oppleve i verkelegheita, treng heller ikkje vere det same.

At du liker tanken på å ha ei jente som kjærast, kan vere noko du har lyst til å utforske gjennom tankane og kjenslene dine. Du kan vere tiltrekt av jenter sjølv om du ikkje har vore forelska i ei jente før. Samtidig treng du ikkje bestemme deg for kva du vil kalle deg no, eller prøve noko med nokon for å finne det ut.

Gi deg sjølv tid til å kjenne etter kven du blir forelska i eller tiltrekt av. Du treng ikkje finne svaret no. Ta den tida du treng, kjenslene dine er heilt greie, uansett kven du blir forelska i.

Ønskjer deg alt godt og lukke til!

Helsing helsesjukepleiar, ung.no

Vi har valgt ut dette for deg

Er jeg skeiv? Og må jeg fortelle det til andre?

Vanlig følelse: Forelskelse

Trenger du noen å snakke med om kjønn og identitet?