Korleis bli kvitt irriterande venninne?

Hei!
Eg skjønar godt at du kan bli lei ei venninne og at du ikkje har så mykje att for ho når ho ikkje behandlar deg godt og det kjennest som at ho stel venner frå deg.

Det er heilt vanleg at vener glir frå kvarandre når ein blir eldre. Ein får forskjellige interessar og ein blir modne i ulik takt. Det er heilt ok at ein vel å ta avstand frå ein ven ein ikkje har så mykje til felles med lenger.

Vær rundt dei som gir deg energi og som gjer deg glad. Dersom denne venninna ikkje gir slepp kan du snakke med ho om det. Fortel at det kjennest som at de har glidd frå kvarandre og at du gjerne vil ha litt avstand frå ho.

Det er vanskeleg å «slå opp» med ein venn, men det er ikkje eit sunt vennskap om ein held fram utan å ta vare på det. Forklar kva som ikkje fungerer, enten så kan de jobbe med å forbetre det, eller så kan de ha tid frå kvarandre.

Å være litt unna kvarandre kan vere bra for å finne ut om de kan bli venner seinare, eller om de kanskje har det betre frå kvarandre.

Lykke til!

Hilsen Ungdomsredaksjonen, ung.no