Eg har fått nokre klumpar i lysken. Kva gjer eg no?

Hei!

Du har fått nokre klumpar i lysken.

Det er vanskeleg for meg å seie sikkert kva dette kjem av, når jeg ikkje kan undersøke deg sjølv.

Men generelt kan klumper i lysken skuldast fleire ulike ting. Det kan til dømes vere lymfekjertlar. Ein kan vanlegvis kjenne lymfekjertlar som små "bønner", ca 1-1,5 cm lange. Dei kan hovne når ein er sjuk eller har eit sår i området. Men ein brukar ikkje kunne presse noko ut av lymfekjertlar.

Dette kan også vere betente hårsekkar eller betennelse i andre småkjertlar som ein har i lysken. Det liknar litt på ei slags kvise, og ein kan klare å skvise noko (talg, puss) ut av dei. Hvis det er lite væske i slike "kviser"/betente kjertlar, vil det kome litt blod ut.

Det kan også vere andre, meir sjeldne årsaker som kjønnssjukdomar osv.

Som regel er årsaken heilt ufarleg, men plagsom. Ofte er det betente småkjertlar.

Men eg kan dessverre ikkje seie kva dette er. Så eg råder deg til å gå til lege med dette. Det er den einaste måten ein kan få vite sikkert kva dette er. Legen kan også gje deg rett behandling. Ofte går til dømes betente kjertlar fort over med behandling. Men eg trur det er vanskeleg å behandle dette sjølv, så lenge ein ikkje veit årsaka.

Så oppsøk fastlegen, lege ved helsestasjon for ungdom, eller legevakta (om du ikkje kjem til hos dei andre).

God betring!

Alt godt! Vennlig hilsen lege, ung.no