Har det vanskeleg og ønsker å bli innlagt

Hei du

Så fint at du tar kontakt med oss i ung.no no når du har det så vanskeleg. Me er her for deg og ønsker å lytte til deg og støtte deg.

Det høyres ut som du har det veldig tungt og vanskeleg - spesielt ettersom du tenker på sjølvmord og planlegging av dette. Det er veldig viktig at du IKKJE set livet ditt i fare. Det vil alltid vere mogleg å få hjelp og det er ikkje slik at du kjem til å ha det som du har det no fo alltid.

Dersom du treng å vere innlagt på døgnpost så er det din behandlar på BUP som er med å vurderer dette. Eg tenker at det er viktig at du seier det rett ut korleis du har det. Du kan fortelle til behandlaren din at du er redd du skal ta ditt eige liv og at du har tenkt på om du kan bli innlagt på døgnpost. Du kan også vise spørsmålet du har sendt til oss i ung.no dersom du syns det er lettare - du kan vise svaret mitt også.

Det er fint at du tenker på familien din og at dei held deg tilbake frå å utføre sjølvmord. Du er viktig og unik berre fordi du er deg. Dei som er glade i deg hadde fått det svært vanskeleg om du var død. Utover dette så er det også slik at du ikkje kjem til å ha det så vanskelig som no alltid - med andre ord er det også viktig at du held ut slik at du får moglegheit til å oppleve at ting blir lettare enn dei er no - for det vil dei bli.

Treng du nokon å snakke/chatte med anonymt for hjelp og støtte så ta kontakt med Kors på halsen fram til 22 på kvelden. Får du planar om å ta ditt eige liv MÅ du be om hjelp med ein gong - du kan ringe legevakt på 116 117 uansett når det er på døgnet.

Du bør i fyrste omgang seie ifrå til behandlaren din om at du tenker på sjølvmord og at du tenker sjølv du treng innleggelse - så kan du og ho finne ut av dette saman. Du skal ikkje måtte finne ut av alt dette vanskelege heilt aleine.

Dersom du har fleire spørsmål til oss i ung.no og me kan hjelpe deg med noko så kan du sende ny melding så svarer me deg.

Ønsker deg alt godt og masse lykke til. Du er verdifull!

Med venleg helsing psykologen